ზესტაფონში, საქართველოს რკინიგზის ობიექტზე დაშავებული ერთ-ერთი მუშა გარდაიცვალა. ინფორმაცია On.ge-ს საქართველოს რკინიგზაში დაუდასტურეს. საწყობში ორი თანამშრომელი გუშინ, 27 მაისს დაშავდა.

საქართველოს რკინიგზაში აცხადებენ, რომ გამოძიებასთან ითანამშრომლებენ. რაც შეეხება მეორე დაშავებულს, ის საავადმყოფოშია მოთავსებული. გუშინ გავრცელდა ინფორმაცია, რომ რკინიგზის ორ თანამშრომელს საწყობში რელსები დაეცა.

შინაგან საქმეთა სამინისტროში On.ge-ს უთხრეს, რომ მომხდაზე გამოძიება სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.