მსოფლიოს ერთ-ერთი ყველაზე დიდი სამეცნიერო ბაზის Web of Science-ის მონაცემების მიხედვით, საქართველოს მეცნიერების, მკვლევართა პუბლიკაციებს ციტირების ყველაზე მაღალი ინდექსი აქვთ პოსტსაბჭოთა ქვეყნებს შორის. ბაზაში საქართველოდან განთავსებულია 6 112 პუბლიკაცია და ციტირების მაჩვენებელი 20,69-ს შეადგენს .

შოთა რუსთაველის სახელობის სამეცნიერო ფონდის განცხადებით, ეს საქართველოს მეცნიერების საერთაშორისო წარმატებაა და ადასტურებს მათი კვლევების მაღალ დონეს, ნაშრომების აქტუალობასა და მოთხოვნადობას მსოფლიოს მასშტაბით.

ციტირების ინდექსი — მკვლევარის სამეცნიერო პროდუქტიულობის, აქტუალობისა და გავლენის შეფასებაა, რომელიც გამოითვლება ერთი მეცნიერის ციტირებადი ნაშრომების რაოდენობისა და სხვა მეცნიერთა შრომებში მისი ციტატების რაოდენობის მაჩვენებელზე დაყრდნობით.

"ეს მონაცემები ადასტურებს, რომ ქართველი მეცნიერების კვლევების ხარისხი ბევრად მაღალია", — აცხადებენ ფონდში.