ხვალიდან, პირველი აგვისტოდან თბილისში, კოტე აფხაზისა და მის მიმდებარე ქუჩებზე ზონალური პარკინგის წესები ამოქმედდება. დღე-ღამის განმავლობაში ზონალური პარკირება ოთხ ადგილზე ამოქმედდება და პირველი 15 წუთი უფასო იქნება.

პარკირების ადგილები სამ ნაწილდა (A, B, C) არის დაყოფილი. როგორც მერია განმარტავს ფასები განსხვავებულია და ერთი, ორი და სამი ლარი ეღირება. ამ ეტაპზე ვებგვერდის ყველა ფუნქცია ამუშავებული არ არის.

ფოტო: ფოტო ვებგვერდიდან / თბილისის პარკინგი

პარკირების საფასური არ შეეხება

  • იმ ავტომობილის, რომლის მფლობელის სახლიც პარკირების მიმდებარე ადგილზეა;
  • ელექტრომობილებს;
  • შშმ პირების სატრანსპორტო საშუალებებს.

როგორ არის შესაძლებელი გადახდა

ვებგვერდის ფუნქციები

  • ფიქსირებული დროის შეძენა;
  • უფასო 15 წუთით სარგებლობა;
  • პარკირების დაწყება და დასრულება;
  • ბალანსის შევსება;
  • ავტომობილის დამატება;
  • უფასო პარკირება საცხოვრებელთან.

მობილური აპლიკაციის ფუნქციები

  • ავტომობილის დამატება;
  • უფასო 15 წუთით სარგებლობა;
  • პარკირების დაწყება და დასრულება;
  • ბალანსის შევსება.

გადახდის აპარატების ფუნქციები

  • ფიქსირებული დროის შეძენა;
  • უფასო 15 წუთით სარგებლობა (რეგისტრირებულ მომხმარებლებს);
  • ბალანსის შევსება.

როგორ არის შესაძლებელი უფასო პარკირებით სარგებლობა

პირს, რომელსაც ზონალური პარკირების მიმდებარე ტერიტორიაზე ეკუთვნის უძრავი ქონება, შეუძლია ორი მანქანა უფასოდ გააჩეროს. ამისთვის მან მანქანის მონაცემები TP.ge-ზე წინასწარ უნდა მიუთითოს და დააყენოს უძრავი ქონებიდან 100 მეტრის რადიუსში.