ქართული ოცნების წევრი, ანრი ოხანაშვილი ამბობს, რომ მმართველი პარტიის მიერ არჩევნების პროპორციულ წესზე გადასვლის კანონპროექტის ჩაგდების გამო პროტესტი მართებული არ ჰგონია. ამის შესახებ ის On.ge-ს ჟურნალისტს ესაუბრა.

"მართებული რომ მეგონოს, გავიდოდი და იქ დავდგებოდი", — ამბობს ოხანაშვილი.

დღეს, 14 ნოემბერს ბიძინა ივანიშვილის დაპირება არ შესრულდა. ქართულმა ოცნებამ მხარი არ დაუჭირა კანონპროექტს, რომლითაც ქვეყანაში 2020 წლის არჩევნები სრულად პროპორციული სისტემით უნდა ჩატარებულიყო. კანონპროექტის ჩაგდების შემდეგ გადაიკეტა რუსთაველის გამზირი და ჩაინიშნა ოპოზიციური პარტიების საერთო ბრიფინგი.