თბილისში გამოძახებებზე 80 ახალი სასწრაფო-სამედიცინო დახმარების ავტომობილი ივლის. თბილისის მერიის თქმით, ავტომობილები ევროსტანდარტების შესაბამისია.

ფოტო: თბილისის მერია

ფოტო: თბილისის მერია

"თბილისის სასწრაფო სამედიცინო დახმარების ცენტრი ექვემდებარებოდა ქალაქის მერიას, თუმცა დღეიდან ეს მიმართულება გადაეცემა ჯანდაცვის სამინისტროს და ვფიქრობ, ეს მართლაც ასე უნდა ყოფილიყო, რადგან ერთიან სისტემაში მოექცევა ეს მიმართულება, ერთი მენეჯმენტის ქვეშ იქნება, რაც უფრო ეფექტიანია", — განაცხადა კახა კალაძემ.

ფოტო: თბილისის მერია

მიმდინარე წელს, სასწრაფო-სამედიცინო დახმარების სამსახურები ერთიანი სისტემის ფარგლებში გაერთიანდა. მერიის თქმით, ამგვარი ცვლილება მოსახლეობისათვის გადაუდებელი დახმარების სერვისს გააუმჯობესებს და პაციენტის ინტერესებს მაქსიმალურად მოერგება.