საქართველოს პრეზიდენტი, სალომე ზურაბიშვილი ამბობს, რომ დაბადების დღეს არ იხდის და ამით საზოგადოებას უნდა მაგალითი მისცეს, რომ კორონავირუსის გამო ეს ყველაფერი უნდა გადავდოთ. ამ თემაზე პრეზიდენტმა სპეციალური ვიდეო მიმართვა გაავრცელა.

"მინდა გითხრათ, რომ ამ მიმართვის იმის მაგალითი მოგცეთ, რომ მე დღეს არც მეგობრები მყავს სახლში და არც ვიხდი დაბადების დღეს, ეს უნდა შევიგნოთ, რომ დღეს არ არის დრო არც დაბადების დღის გადახდის არც სამწუხაროდ ქელეხის, არც ქორწილით, ეს ყველაფერი უნდა გადავდოთ ცოტა ხნით", — თქვა სალომე ზურაბიშვილმა.

სალომე ზურაბიშვილმა აღნიშნა, რომ ეს ჩვენი პასუხისმგებლობაა მეგობრების მიმართ, რადგან შეიძლება ვირუსისი მატარებლები ვიყოთ და ამის შესახებ არ ვიცოდეთ. პრეზიდენტმა ყველას მადლობა გადაუხადა მოლოცვისთვის და აღნიშნა, რომ დაბადების დღეს ყოველთვის ოჯახურ გარემოში იხდიდა, თუმცა ახლა მისი შვილები საზღვარგარეთ არიან და ვერ ჩამოდიან. სალომე ზურაბიშვილის თქმით, ასეთ მდგომარეობაში საქართველოს ბევრი მოქალაქეა და ეს მძიმე პერიოდი ყველამ ერთად უნდა გადაიტანოს.