ტელეკომპანია რუსთავი 2-ის გენერალურმა დირექტორმა ნიკა გვარამიამ დღეს, 21 ნოემბერს გამართულ ბრიფინგზე განაცხადა, რომ უზენაესი სასამართლოს ნებისმიერი გადაწყვეტილების შემდეგ, ისინი დაიცავენ ტელევიზიას და არ დათმობენ:

"ჩვენი მტკიცე და მკაფიო გადაწყვეტილებაა არ დავთმოთ რუსთავი 2 ნებისმიერ ვითარებაში, ნებისმიერი გადაწყვეტილების პირობებში, დაცივიცვათ ბოლომდე ჩვენი სიტვისა და გამოხატვის თავისუფლება და რაც ტავარია დავიცვათ ჩვენი მაყურებლის ინტერესი".

გვარამიამ მოუწოდა რუსთავი 2-ის მაყურებელს რომ ყველა კანონიერი მეთოდით დაიცვან ტელევიზია:

"გამოდით ნებისმიერ აქციაზე, სადაც მოგიწოდებენ, პასუხისმგებლიანი პოლიტიკური ძალები და არასამთავრობო ორგანიზაციები. გამოდით ჩვენს დაძახილზე და ფიზიკურად დაიცავით რუსთავი 2. ეს დღეს ისეა საჭირო, როგორც არასდროს. დღევანდელი დღე უნდა გავაკეთო ჩვენ თვითონ. დღევანდელი დღე აუცილებლად გადაწყვეტს როგორი იქნება ხვალინდელი დღე".

ნიკა გვარამიამ მოუწოდა უზენაესი სასამართლოს მოსამართლეებს, რომ მათ გადაწყვეტილებაზეა დამოკიდიებული ქვეყანაში დემოკრატიის ბედი:

"სამი მოქალაქის პირადი და კარიერული ბედი, ეკატერინე გასიტაშვილის პაატა ქათამაძის და ბესარიონ ალავიძის, დღეს წყდება. ამ სამზე ადამიანზეა დამოკიდიებული საქართველო როგორ გზას აირჩევს, იქნება რუსული მოდელის ოლიგარქია, თუ იქნება სუსტი მაგრამ დემკორატია. ექნება არადემოკრატიული აწმყო მხოლოდ, მაგრამ ექნება დემოკრატიის პერსპექტივა. ამ გადაწყვეტილებას იღებს პერსონალურად ეს სამი მოსამართლე. ამ სამ ადამიანზე გადის საქართველოს განვითარების ისტორიული ხაზი. უზენაესი სასამართლოს სამ მოსამართლეზე, რომლებიც თვითონ აგებენ პასუხს ისტორიის სამსჯავროზე. ისინი ნებისმეირ ვარიანტში შევლენ ისტორიაში მაგრამ თვითონ უნდა აირჩიონ, როგორ შევლენ".

ნიკა გვარამიამ, ასევე მიმართა ხელისუფლებასაც, რომ გამოიჩინოს კეთილგონიერება, რადგან მისივე თქმით, დღეს მისი ბედიც წყდება.

ტელეკომპანიის დირექტორმა გაზგასმით აღნიშნა, რომ რუსთავი 2 არ შეცვლის სარედაქციო პოლიტიკას და დარჩება კრიტიკულ ტელევიზიად:

"ჩვენ არ დავიხევთ უკან, არ გადავხედავთ ჩვენს სარედაქციო პოლიტიკას, ვიქნებით მუდმივად კრიტიკულები მხოლოდ იმიტომ, რომ მედიის საქმე არის კრიტიკა და არა ხელისუფლებისთვის ტაშის დაკვრა. მხოლდო იმიტომ რომ ჩვენ გამოვხატავთ ჩვენი მაყურებლის ინტერესს სწორედ ამგვარად. მხოლოდ იმიტომ, რომ ჩვენი ღრმა რწმენით, სწორედ ასე სჭირდება ჩვენს ქვეყანას, ასეა უკეთესი ჩვენი ქვეყნისთის, მისი დემოკრატიისთვის, მისი ევროატლანტიკრუი მომავლისთვის და ჩვენი შვილების აქ მყოფების თუ პარლამენტში მსხდომების შვილებისთვის ასე არის უმჯობესი".

უზენაესი სასამართლო რუსთავი 2-ის საჩივრებზე დღეს, 21 ნოემბერს იმსჯელებს. მიუხედავად არხის იურისტების შუამდგომლობისა, სხდომას მხარეები არ დაესწრებიან, საკასაციო სასამართლო საჩივრებს ზეპირი მოსმენის გარეშე განიხილავს.