პრემიერმინისტრის, გიორგი გახარიას მიაჩნია, რომ როცა ქვეყანა პანდემიას ებრძვის, დამოუკიდებლობის დღეს დროშების გამოფენა პრინციპულ საკითხი არაა. გახარიამ ასე უპასუხა დეპუტატ გიგა ბოკერიას კითხვას იმაზე, რატომ არ იყო 26 მაისს ქუჩაში გამოფენილი დროშები.

"ჩვენ აბსოლუტურად გააზრებულად გავაკეთეთ ასეთი რამ. 26 მაისს, ასეთ დროს, როცა სოციალური ცხოვრება ლიმიტირებულია, ეს ყველაფერი გავაკეთეთ შეზღუდულად. მიმაჩნია, რომ სწორია, დავზოგეთ ბევრი რამე. შესაბამისად, როცა ქვეყანა ებრძვის პანდემიას, არ მგონია, რომ ეს პრინციპული საკითხია", — აღნიშნა გახარიამ.

პანდემიის გამო დამოუკიდებლობის დღეს ფართომასშტაბიანი ღონისძიებები არ ჩატარებულა. მთავრობის წევრებმა 26 მაისი ვაზიანის ბაზაზე აღნიშნეს.