ქართული ოცნების გენერალური მდივნის, კახა კალაძის განცხადებით, ექსპრემიერი გიორგი კვირიკაშვილი პარტიის კანდიდატების წარდგენისას მიწვეული არ იყო, რადგან არ არის გუნდის წევრი. მისი მტკიცებით, კვირიკაშვილის არმიწვევა პოლიტიკურ წყენას არ უკავშირდება.

"რაც შეეხება გიორგის მოწვევას, ის გუნდის წევრი არ გახლავთ, არ არის პარტიის მოქმედი წევრი, აგრძელებს თავის საქმიანობას იმ მიმართულებით, რა გადაწყვეტილებაც თავად მიიღო. შესაბამისად, ამის გამო ის არ იყო მოწვეული", — განაცხადა მან რუსთავი 2-ის ეთერში.

რაც შეეხება მეორე ექსპრემიერის, მამუკა ბახტაძის მიწვევას, პალიტრანიუსის ეთერში გუნდის ლიდერმა, ირაკლი კობახიძემ განმარტა, რომ ის იყო ღონისძიებაზე, რადგან ქართული ოცნების წევრია.

მმართველი გუნდის მიერ მაჟორიტარი კანდიდატების წარდგენას "ოცნების" ყველა პრემიერი ესწრებოდა, გარდა გიორგი კვირიკაშვილისა. შეხვედრაზე მიწვეული იყო ექსპრემიერი მამუკა ბახტაძე და თავიანთი ახალი თანამდებობიდან გამომდინარე იქვე იყვნენ, ირაკლი ღარიბაშვილი, ბიძინა ივანიშვილი და მოქმედი პრემიერი გიორგი გახარიაც.

20 ივლისს ქართულმა ოცნებამ მაჟორიტარი დეპუტატობის კანდიდატები წარადგინა. მაჟორიტარების სიაში ძირითადად მოხვდნენ ოცნების ძველი სახეები, მათ შორის ქალი მხოლოდ ერთია. მაჟორიტარად არ წარუდგენიათ იმ დეპუტატების ნაწილი, რომლებმაც მაჟორიტარული სისტემის უპირატესობის მოტივით პროპორციულს კანონპროექტი ჩააგდეს.

გაიგეთ მეტი "ოცნების" მაჟორიტარების წარდგენაზე: