აჭარის სოფლის მეურნეობის მინისტრის მოადგილე, ჯამბულ ხოზრევანიძე ლელოს შეუერთდა. ამის შესახებ დღეს გამართულ ბრიფინგზე პარტიის თავმჯდომარემ, მამუკა ხაზარაძემ განაცხადა.

On.ge დაუკავშირდა აჭარის ავტონომიური რესპუბლიკის სოფლის მეურნეობის სამინისტროს, სადაც ამბობენ, რომ ჯამბულ ხოზრევანიძემ თანამდებობა გუშინ, 22 ივლისს, მინისტრის განცხადების საფუძველზე დატოვა.

ხოზრევანიძე 2014-2017 წლებში ხულოს მუნიციპალიტეტის საკრებულოს თავმჯდომარე იყო, მინისტრის მოადგილის პოსტი კი 2018 წლის თებერვალში დაიკავა.