პარტია სამართლიანობისთვის ლიდერი, ეკა ბესელია მაჟორიტარად კენჭს მცხეთის, დუშეთის, თიანეთისა და ყაზბეგის მუნიციპალიტეტებში იყრის. საარჩევნო კამპანიას ბესელია სწორედ მცხეთიდან იწყებს.

რაც შეეხება პარტიული სიისა და მაჟორიტარობის სხვა კანდიდატების წარდგენას მათი წარდგენა აგვისტოშია დაგეგმილი.

"მცხეთა არის საქართველოს მარადიულობის სახე და სიმბოლო. მე მაკავშირებს რამდენიმე ათეული წელი მცხეთასთან და ჯვრის მონასტერთან და ჩემთვის ეს არის განსაკუთრებულია ადგილი. [...]

მთავარი იდეა, რითიც ჩვენ ვართ შეკრებილები და რისთვისაც დარწმუნებული ვარ ბევრი ადამიანი გულშემატკივრობს ამ პროცესს, არის სამართლიანობა, თვითღირებულება. ეს არის უდიდესი იდეა, რომლისთვისაც, ალბათ, ყველაფერი ღირს. სამართლიანობა ყველასთვის და ყველაფერში — ეს არის მთავარი იდეა, რითიც გვინდა, რომ გავაერთიანოთ ძალიან ბევრი ადამიანი. ამ რეგიონს განსაკუთრებული ემოციური დამოკიდებულება აქვს ყველაფერი იმისადმი, რაც უკავშირდება უსამართლობას, ამიტომ ძალიან მნიშვნელოვანი და ღირებულია, ალბათ, იმ ადამიანების ერთად დგომა, ვისთვისაც განცდა, რომ ის არის დაცული, ის არის სამართლიან გარემოში, ისეთ ქვეყანაში, სადაც ადამიანია მთავარი ღირებულება.", — განაცხადა ბესელიამ.

ეკა ბესელია პირველად პარლამენტის წევრი 2008 წელს გაერთიანებული ოპოზიციის პარტიული სიით გახდა. უკვე 2012 წელს ის პარლამენტში საარჩევნო ბლოკით ბიძინა ივანიშვილი — ქართული ოცნება იყარა კენჭი და ფოთის მაჟორიტარი დეპუტატი გახდა. შემდეგი მოწვევის პარლამენტში ის დეპუტატი ქართული ოცნება — დემოკრატიული საქართველოს პარტიული სიით გახდა.

მცხეთის, დუშეთის, თიანეთისა და ყაზბეგის მუნიციპალიტეტებში მაჟორიტარობის კანდიდატად ქართულმა ოცნებამ შარვა კერესელიძე წარადგინა.