პრემიერმინისტრმა გიორგი კვირიკაშვილმა დღეს, 25 დეკემბერს საკონსტიტუციო კომისიის მუშაობასთან დაკავშირებით ჟურნალისტებთან კომენტარი გააკეთა.

ამის შესახებ მან დღეს კურორტ მიტარბის გახსნის ცერემონიალზე სტუმრობისას ისაუბრა. მისი თქმით, კომისიის გადაწყვეტილებების მიღებაში ჩართულები იქნებიან არამხოლოდ მისი წვერები, არამედ, საზოგადოება და არასამთავრობო სექტორი:

"საკონსტიტუციო კომისიის მუშაობა ეფუძნება მაქსიმალურად ფართო ჩართულობის პრინციპს. არცერთი წინასწარ მიღებული გადაწყვეტილება კომისიას არ გააჩნია, ამიტომ ის ძალიან კარგად მოუსმენს პირველ რიგში კომისიის წევრებს და რა თქმა უნდა აქ არ იქნება მხოლოდ კომისიის შიგნით შემოფარგლული მუშაობა და იქნება საჯარო განხილვები, საზოგადოების ჩართულობა და არასამთავრობო სექტორის ჩართულობა".

კომისიაში, რომლის მიზანიც კონსტიტუციაში ცვლილებების შეტანის მიზნით კანონპროექტის მომზადებაა, საქართველოს პრეზიდენტი და ადმინისტრაციის თანამშრომლები არ მონაწილეობენ. ადმინისტრაციის განცხადებით, კომისიის შექმნის წესმა მათთვის ბევრი კითხვის ნიშანს გააჩინა და მათივე თქმით, მასში მეტი აქცენტია ერთპიროვნულ და ერთპარტიული გადაწყვეტილებები მიღებაზე.

კომისიის შემადგენლობაში ქართული ოცნების, მათ შორის პარლამენტის თავმჯდომარე, ნაციონალური მოძრაობის, პატრიოტთა ალიანსის, პარლამენტის დამოუკიდებელი დეპუტატი - სალომე ზურაბიშვილი, არასაპარლამენტო ოპოზიციისა და არასამთავრობო ორგანიზაციების წარმომადგენელები.