სტრატეგია აღმამშენებლის ერთ-ერთი ლიდერის, სერგო ჩიხლაძის განცხადებით, ქვეყანაში შექმნილ კოვიდ მდგომარეობაზე შესაბამის რეაგირებას ჯანდაცვის სისტემა ვერ უზრუნველყოფს, მაშინ, როცა ევროპული სახელმწიფოები საკუთარ მოქალაქეებს აფრთხილებენ, რომ საქართველოში შემოსვლა საშიშია. მისივე თქმით, დღეები სჭირდება ტესტირების პასუხის დადგენას და პასუხები ხშირად არეულია.

"ტესტერების პასუხები არეულია, დადებითთან უარყოფითი პასუხის მიდის და პირიქით - უარყოფითიანთან დადებითი. ქვეყანაში კოვიდ 19-ით დადასტურებული შემთხვევების რაოდენობის გაზრდაზე უკვე რეაგირებენ ევროპული სახელმწიფოები და რეკომენდაციებს აძლევენ საკუთარ მოქალაქეებს, იმის შესახებაც, რომ უკვე საქართველოში შემოსვლა საშიშია, რაც სამწუხაროა. ასევე სამწუხაროა, რომ ვერ გამოვიყენეთ მწვანე ქვეყნის სტატუსი და ისთვეები, როდესაც ჩვენ მართლა შეიძლებოდა გვესარგებლა მიმოსვლის აღდგენით, საზღვრების გახსნით და ნაკლები ზიანი მიგვეღო ეკონომიკურად," - მიაჩნია ჩიხლაძეს.

ჩიხლაძის თქმით, მოქმედი მთავრობა უმოქმედოდაა და კრიზისის დასაძლევად ჯანდაცვის სისტემის მზაობა არ იგრძნობა.

"კოვიდ 19-ით დადასტურებული შემთხვევების რაოდენობა სამწუხაროდ იზრდება და დღევანდელი მაჩვენებლით, რაოდენობა უკვე 200-ს გადასცდა, მაგრამ, ხაზგასასმელი და საყურადღებოა არამარტო გაზრდილი ციფრები, არამედ ჯანდაცვის სისტემის რეაგირება გაზრდილ შემთხვევებზე და ზოგადად ქვეყნის ჯანდაცვის სისტემის მზაობა ამ მიმართულებით. სწორედ ამ ორი ციფრის მონაცემებით ხდება ქვეყანის უსაფრთხოების, ანუ იმის დადგენა, თუ რამდენად საშიშია აღნიშნულ ქვეყანაში შესვლა. სამწუხაროდ, ციფრები იზრდება, ქვეყნის ანდაცვის სისტემა კი კვლავინდებურად, შექმნილი კრიზისი დასაძლევად მზად არ არის და ჩვენ ვხედავთ იმ ქაოსს, რაც ხდება საკარანტინე სივრცეში, კლინიკებსა და პირველადი ჯანდაცვის რგოლში," — აცხადებს ჩიხლაძე და ტესტირებასთან დაკავშრებულ რობლემზე მიანიშნებს.

პოლიტიკოსი მიანიშნებს, რომ საქართველო 40 უსაფრთხო ქვეყნის რიცხვში ვერ მოხვდა.

"შეგახსენებთ, რომ დაბალი ციფრების პირობებშიც, მაგალითისთვის მარტი-აპრილის პერიოდი რომ გავიხსენოთ, როდესაც ქვეყანაში ერთეული შემთხვევები გვქონდა, მაშინაც კი ვერ მოხდა საქართველო 40 უსაფრთხო ქვეყნის რიცხვში შეყვანა, მაშინ როდესაც ბევრად უფრო დაზარალებული ქვეყნები მოხდნენ ამ სიაში. ამის მიზეზი იყო ის, რომ ჩვენი ჯანდაცვის სისტემა არ იყო მზად.

მაშინაც კი, დაბალი რიცხვების შემთხვევაში, ევროპელი პარტნიორები და კვლევითი ორგანიზაციები თვლიდნენ, რომ საქართველო არ იყო მზად ინფექციის გაზრდილი შემთხვევებისთვის და შედარებით მძიმე სცენარისთვის. ამიტომ არ შევიდა იმ პერიოდშიც კი, უსაფრთხო ქვეყნების სიაში საქართველო, რადგან ოდნავი მატებაც კი გამოიწვევდა სრულ ქაოსს და ამისთვის მოუმზადებელი იყო სისტემა, რაც სამწუხაროდ, უკვე რამდენიმე თვის შემდეგ პრაქტიკულად დავინახეთ. სამწუხაროდ, სტრატეგია აღმაშენებლის არცერთი სამოქმედო გეგმა, რომელიც ჩვენ ალტერნატივის სახით შევთავაზეთ სახელმწიფოს, არ იქნა განხილული მთავრობის მიერ," — განაცხადა სერგო ჩიხლაძემ.