პარლამენტის თავმჯდომარის, არჩილ თალაკვაძის განცხადებით, საქართველოს ექსპრეზიდენტ მიხეილ სააკაშვილს პოლიტიკური ტრავმა აქვს მიღებული და ბოლო წლების განმავლობაში ამიტომ საუბრობს ის ხელისუფლების გადაბარებაზე.

"სინამდვილეში ის არ გახლავთ არც საქართველოს მოქალაქე. რომელი ქვეყნის მოქალაქეცაა იქაც ექნება მას სამსახურის პოვნის პრობლება მომდევნო დღეებში. რაც შეეხება მის პოლიტიკურ პარტიას, ნაციონალური მოძრაობა მილევად რეჟიმშია", — ამბობს თალაკვაძე.

ეგზიტპოლების შესახებ

არჩევნების დღეს ეგზიტპოლები დამოუკიდებელმა ორგანიზაციებმა, მედიებმა და ISFED-მა ჩაატარეს. მათი შედეგები 8 საათზე გავრცელდა.

• წელს არჩევნებზე ეგზიტპოლს ამერიკულ კომპანია Edison Research ტელეკომპანია ფორმულას დაკვეთით ატარებს.
• მთავარი არხისთვის ეგზიტპოლებს ატარებს ფრანგული კომპანია IPSOS.
• რუსთავი 2-სთვის ეგზიტპოლებს ბრიტანული კვლევითი კომპანია Survation ატარებს.
• ტელეკომპანია იმედის დაკვეთით კი ეგზიტპოლებს ამერიკული კომპანია Public Opinion Strategies ატარებს.

არჩევნების დღეს ხმებს პარალელურად ითვლის არასამთავრობო ორგანიზაცია სამართლიანი არჩევნებისა და დემოკრატიის საერთაშორისო საზოგადოებაც (ISFED).

ედისონს საქართველოში სხვადასხვა დროს აქვს ეგზიტპოლი ჩატარებული. იუსტიციის სამინისტროს მიერ გამოქვეყნებული ინფორმაციით, IPSOS 2019 წელს ატარებდა კვლევას საქართველოში სასამართლო რეფორმების შესაფასებლად. Survation და Public Opinion Strategies კი საქართველოში ეგზიტპოლებს პირველად ატარებენ.

• ფორმულას ეგზიტპოლი: უარი პასუხზე — 50%, "ოცნება" — 46%, ენმ და ძალა ერთობაშია — 28%, ევროპელები — 5%
• რუსთავი 2-ის ეგზიტპოლი: "ოცნება" — 52, 26%; გაერთიანებული ოპოზიცია — ძალა ერთობაშია — 25, 33%
• იმედის ეგზიტპოლის შედეგები: ქართული ოცნება — 55%, ენმ და ძალა ერთობაშია — 23%
• იმედის ეგზიტპოლი: ევროპულ საქართველოს, ლელოს, პატრიოტთა ალიანსს, სტრატეგია აღმაშენებელსა და გირჩს 3% აქვთ

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე:

• როგორ დავიცვათ თავი Covid-19-ისგან არჩევნებში ხმის მიცემის დროს;
• რატომ უნდა წავიდეთ არჩევნებზე;
• როგორ მივცეთ ხმა არჩევნებზე;
• ყველაფერი, რაც ცნობილია ახალ 120/30 სისტემაზე — მოკლედ;
• რას ნიშნავს პროპორციული საარჩევნო სისტემა და რატომაა უკეთესი — მოკლედ