ევროპული საქართველოს ერთ-ერთი ლიდერი გიგი უგულავას თქმით, გუშინ გამართულ მატჩზე მმართველი გუნდის დასწრება იყო საზოგადოების მეორეხარისხოვნად გამოცხადება.

"სრულიად აღმაშფოთებელი რაც ვნახეთ, ადამიანურად ვიტყვი... ტეხავს როდესაც ადამიანებს პოლიტიკური მიზეზის გამო არ უშვებ 10 საათის მერე ქუჩაში და მერე აჯარიმებენ და ამ დროს ვიპ ცხოვრება აქვს მოწყობილი მთავრობას ეს შეურაცხმყოფელია, ეს ნიშნავს იმას რომ კასტა არის ვისთვისაც ყველაფერი შეიძლება და ხალხი არსებობს ვისთვისაც არაფერი შეიძლება. გუშინდელი დღით გაფორმდა სამარცხვინო რაღაცა, ქართულმა ოცნებამ ჩვენ საზოგადოება გამოგვაცხადა მეორეხარისხოვან მოქალაქეებად, მოგვიგდეს ალიკაპის მსგავსად ეს კანონი და თვითონ დაშლიგინებენ, ესწრებიან ფეხბურთს. ეს იმას ნიშნავს, რომ ამ ქვეყანაში რეჟიმი გაფორმდა, რომელმაც საზოგადოების უდიდესი ნაწილი მეორეხარისხოვნად გამოაცხადა. ორუელის ცხოველთა ფერმა იყო, გუშინ რაც ვნახეთ", — განაცხდა უგულავამ.

საკოორდინაციო საბჭოს გადაწყვეტილებით, 9 ნოემბრიდან დიდ ქალაქებში: თბილისში, ბათუმში, ქუთაისში, რუსთავში, ზუგდიდში, გორსა და ფოთში 22:00 საათიდან დილის 05:00 საათამდე გადაადგილება შეიზღუდა. შეზღუდვა ვრცელდება როგორც ქვეითად, ისე ტრანსპორტით და კერძო ავტომობილებით მოსიარულეებზე. ამ დადგენილების დარღვევის შემთხვევაში გათვალისწინებულია ჯარიმა 2 000 ლარის ოდენობით.

საქართველოს ეროვნული ნაკრები ჩრდილოეთ მაკედონიის ნაკრებთან დამარცხდა.

ისტორიული მატჩი დინამო არენაზე ჩატარდა და მას კორონავირუსის მიერ გამოწვეული შეზღუდვების გამო, მაყურებელი არ ესწრებოდა.

კორონავირუსის შეზღუდვების მიუხედავად, მატჩს გულშემატკივარი ვერა, მაგრამ კალაძე, კობიაშვილი და ფედერაციის სხვა წევრები დაესწრნენ.