წელს ბათუმის საერთაშორისო კინოფესტივალი BIAFF 2020 პანდემიასთან დაკავშირებული შეზღუდვებიდან გამომდინარე ონლაინ ფორმატში ტარდება. ფესტივალი 15 ნოემბრიდან 25 ნოემბრის ჩათვლით წარიმართება, BIAFF-ის საიტზე კი შეგიძლიათ, ნახოთ კინოფესტივალის ფილმების სია, ჟიურის შემადგენლობა და კატალოგი.

ქვემოთ მოცემულია დეტალური ინფორმაცია, თუ რა პერიოდშია შესაძლებელი ფილმების ნახვა და როგორ უნდა ნახოთ ისინი ფესტივალის პარტნიორ ონლაინ პლატფორმებზე:

1. www.festivalscope.com — აქ განთავსდება ფესტივალის მხატვრული და დოკუმენტური კონკურსის, "დიდოსტატთა კოლექციის" და "ქართული პანორამის" ორი ფილმი. ფილმებზე წვდომისთვის საჭიროა:

  • რეგისტრაცია — მარტივი რეგისტრაციის გავლის შემდეგ შეძლებთ საიტზე შესვლას და ფესტივალის ფილმების ნახვას. #BIAFF კინოფესტივალის ფილმები განთავსებულია ამ ბმულზე. 2-3 ფილმი დაემატება 16-17 ნოემბერს.
  • FESTIVALSCOPE-ზე ფილმების ნახვა ლიმიტირებული იქნება — თითო ფილმს ნახავს მაქსიმუმ 500 მაყურებელი. ფილმის ნახვა შესაძლებელია მხოლოდ საქართველოში.
  • FESTIVALSCOPE-ზე ფილმის ნახვისას აუცილებლად უნდა გაითვალისწინოთ შემდეგი — თითოეული ფილმის ნახვა (ე.წ. "არენდა", "გამოწერა") შეგიძლიათ 5 დღით და ამ 5 დღის ფარგლებში თქვენ გაქვთ 30-საათიანი შუალედი ფილმის სანახავად. სხვაგვარად თუ ვიტყვით, თუ ფილმის ნახვისთვის დააჭერთ ღილაკს PLAY, ამ მომენტიდან 30 საათის ფარგლებში შეძლებთ იმ კონკრეტული ფილმის ნახვას. შესაბამისად, აუცილებლად გაითვალისწინეთ ეს დეტალები სანამ ფილმების "გამოწერას", ნახვას დაიწყებდეთ.

2. www.vimeo.com — ამ პლატფორმაზე განთავსდება ფესტივალის მოკლემეტრაჟიანი ფილმების საკონკურსო სექციის ფილმები და „ქართული პანორამის“ ერთი ფილმი.

  • მოკლემეტრაჟიანი ფილმების სანახავად გადადით ამ ბმულზე და შეიყვანეთ პაროლი: biaff2020. პაროლის შეყვანის შემდეგ გადადიხართ BIAFF კინოფესტივალის ფილმების პროგრამაზე და შეგიძლიათ, ნახოთ იქ განთავსებული ფილმები;
  • ფილმის კახეთის მატარებელი (სექცია "ქართული პანორამა") სანახავად გადადით ამ ბმულზე და შეიყვანეთპაროლი: liraproductionstudios777
  • VIMEO-ზე განთავსებული ფილმების ნახვა ნებისმიერ ლოკაციიდან (ქვეყანაში) არის შესაძლებელი;
  • ფილმების ნახვა შესაძლებელი იქნება უფასოდ ორივე პლატფორმაზე და ფილმებს აქვს ქართული სუბტიტრები.

3. COVIDEO კინოფესტივალის სპეციალური სექცია (კოვიდ-19-ის პანდემიის პირობებში გადაღებული მოკლემეტრაჟიანი ფილმები) შეგიძლიათ იხილოთ ფესტივალის Facebook გვერდზე.

ონლაინ პლატფორმაზე ფილმების ნახვასთან დაკავშირებული კითხვები შეგიძლიათ მიიწეროთ BIAFF-ის Facebook გვერდზე ან ფესტივალის ელ. ფოსტაზე info@biaff.org.

კინოფესტივალის მხარდამჭერები არიან ქალაქ ბათუმის მერია, საქართველოს ეროვნული კინოცენტრი; საქართველოს კულტურის, განათლების, სპორტისა და მეცნიერების სამინისტრო, აჭარის კულტურის სამინისტრო, აჭარის ტურიზმისა და კურორტების დეპარტამენტი, ბათუმის დრამატული თეატრი, ბათუმის თოჯინების თეატრი, გოეთეს ინსტიტუტი, იტალიის საელჩო და ფრანგული ინსტიტუტი.

კინოფესტივალის სპონსორები არიან კინოთეატრი აპოლო, კომპანია ჯპს, სასტუმრო O.Galogre Boutique Hotel, სასტუმრო DOWNTOWN, ტურკომპანია ვანდერლენდი, შპს ბათუმის ავტოტრანსპორტი და შპს Legal Consulting Center.

კინოფესტივალის მედიაპარტნიორების სიაში კი შედიან საქართველოს საზოგადოებრივი მაუწყებელი, აჭარის ტელევიზია, რადიო ფორტუნა, ბათუმი ტვ, ფაბლისითი ჯგუფი, ჟურნალი ინდიგო, ჟურნალი კინო, Cinemania, AT.GE, ON.GE, Film New Europe, Cineuropa.org, გაზეთი ბათუმელები და netgazeti.ge.

ბათუმის საერთაშორისო კინოფესტივალის შესახებ უფრო დეტალური ინფორმაციის მიღება ფესტივალის ვებსაიტიდან და Facebook გვერდიდან შეგიძლიათ.

ამავე თემაზე: