ქართული ოცნებიდან წასული დეპუტატის, მიხეილ დაუშვილის თქმით, ის თვლის, რომ ნიკა მელია და გიორგი რურუა პოლიტიკური პატიმრები არ არიან.

"ბატონი ნიკა მელია თქვენ კარგად იცით რასთან დაკავშირებით არის ბრალდებული, ეს არის საკანონმდებლო ორგანოზე შტურმის ორგანიზება. მე ვთვლი, რომ ბატონი ნიკა მელია არ არის პოლიტიკური პატიმარი, ანალოგიურად ბატონი გიორგი რურუას მიმართ არსებობს კონკრეტული საქმე. სასამართლო პროცესი გრძელდება და რაც შეეხება პოლიპატიმრობას, დიახ, ამ შემთხვევაშიც ვფიქრობ, რომ ბატონი გიორგი რურუა არ არის პოლიტიკური პატიმარი", — განაცხადა დაუშვილმა მთავარი არხის ეთერში.

გიორგი გახარიამ პრემიერმინისტროის თანამდებობა 18 თებერვალს დატოვა და ამის მიზეზად ნაციონალური მოძრაობის თავმჯდომარის, ნიკა მელიას საქმეზე ქართული ოცნების გუნდში აზრთა სხვადასხვაობა დაასახელა.

გადადგომის შემდეგ მან პირველი საჯარო კომენტარი ჟურნალისტებთან 22 მარტს გააკეთა და თქვა, რომ არსად წასვლას არ აპირებს და პოლიტიკაში რჩება. რამდენიმე საათში იმავე შინაარსის წარწერით მან ოფიციალურ ფეისბუქგვერდზე ფოტო გამოაქვეყნა. იმავე საღამოს კი მან ტვიტერზე დაპოსტა, რომ პოლიტიკური დღის წესრიგის შექმნაზე მუშაობს.

გაიგეთ მეტი: