სტრატეგია აღმაშენებლის ლიდერის, გიორგი ვაშაძის განცხადებით, ნიკა მელიას საქმე გირაოთი და თავდებობით არ დაიხურება, ამიტომ ამნისტია მაინც უნდა მიიღონ.

"ძალიან კარგია, რომ თანხმდება თავდებობას, შევეცდებით, რომ რამენაირად ამას მივაღწიოთ ჩვენს დასავლელ პარტნიორებთან ერთად. რაც შეეხება ამნისტიას, ამნისტია მაინც უნდა მივიღოთ იმიტომ, რომ მელიას საქმე არ დაიხურება არც გირაოთი და არც თავდებობით. ეს იყო ცალსახა პოზიცია ჩვენი დასავლელი პარტნიორების, რომ აუცილებლად ასე უნდა მომხდარიყო, ანუ ყოფილიყო შემდეგი, რომ მიგვეღო ამნისტიის კანონი, რითაც მელიას და სხვა პროტესტში მონაწილე ადამიანების საქმეები ერთხელ და სამუდამოდ დაიხურებოდა, ამიტომ მე ვფიქრობ ამნისტიაზე სპეკულაციაც არასწორია, საქმეს მივხედოთ, ვიმუშავოთ და რაც შეიძლება სწრაფად უნდა წავიდეთ წინ", — განაცხადა ვაშაძემ ფორმულას ეთერში.

ნაციონალური მოძრაობის თავმჯდომარემ, ნიკა მელიამ განაცხადა, რომ მისთვის მისაღებია ევროპარლამენტარების თავდებობის საკითხი. ამის შესახებ მან ციხიდან მთავარ არხთან სატელეფონო ინტერვიუში თქვა.