თბილისის მერის, კახა კალაძის განცხადებით ტაქსების რეფორმა დასრულებული არ არის და იქნება შემდეგი ეტაპები.

"ამ მიმართულებით რეფორმა დასრულებული არ არის. იქნება შემდეგი ეტაპები, რაზეც ინფორმაციას მოგვიანებით მივაწვდით საზოგადოებასა და ტაქსის მძღოლებს, რათა ეს სერვისი და მიმართულება, რომლითაც ძალიან ბევრი ადამიანი სარგებლობს იყოს გამართული და მოწესრიგებული. ავტომობილები იყოს სუფთა, რომ ადამიანს სიამოვნებდეს ტაქსით მგზავრობა დედაქალაქში. სწორედ ამიტომ გარკვეული ნაბიჯების გადადგმა მოგვიწევს მომავალში", — განაცხადა კალაძემ.

ტაქსების რეფორმა 2018 წლის 1 ოქტომბერს დაიწყო, 20191 ოქტომბრიდან ფერისა და მანათობლის სტანდარტები ამოქმედდა.