თანასწორობის მოძრაობის განცხადებით, უკანონო მიყურადებასა და თვალთვალზე გავრცელებული მასალები ფაილებში ხსენებული ადამიანების საქმიანობასა და ფიზიკურ უსაფრთხოებას მნიშვნელოვან საფრთხეს უქმნის. მათივე თქმით, განსაკუთრებით შემაშფოთებელია, რომ გავრცელებული მასალა მოიცავს დეტალურ პირად ინფორმაციას, მათ შორის, ინფორმაციას იდენტობის, საცხოვრებელი ადგილის, პირადი/ტელეფონის ნომრის თაობაზე.

"ჩანაწერები ადამიანის პირადი ცხოვრების საიდუმლოების გასაჯაროებისა და იძულებითი ქამინგ-ააუთის შემთხვევას წარმოადგენს. ბოლო წლებში პირადი ცხოვრების ამსახველი კადრების თუ პერსონალური მონაცემების უკანონოდ დამუშავებისა და გასაჯაროების პრაქტიკა ადამიანების ტოტალური კონტროლის, დაშინების, შანტაჟისა და პოლიტიკური ინსტრუმენტალიზების მექანიზმად გამოიყენება. სამწუხაროდ, სამართალდამცავ ორგანოებს არც ერთ შემთხვევაზე არ მოუხდენიათ სათანადო რეაგირება, რაც სრულიად არყევს ნდობას სახელმწიფო ინსტიტუტების მიმართ. ასეთი გამოცდილების გათვალისწინებით, შეუძლებელია საზოგადოებას ეფექტიანი, ობიექტური და გამჭვირვალე გამოძიების მოლოდინი ჰქონდეს", — ნათქვამია განცხადებაში.

თანასწორობის მოძრაობა მედიასაშუალებებს მოუწოდებს, საკითხის გაშუქებისას მაღალი ეთიკური სტანდარტებით იხელმძღვანელოს; პირადი ცხოვრების ამსახველი მასალების გასაჯარობებისას მაიდენტიფიცირებელი ინფორმაციის გამოყენებას მოერიდოს.

საქართველოს პარლამენტს კი მოუწოდებენ, დაუყოვნებლივ გამოიყენოს ყველა შესაძლო საზედამხედველო, მათ შორის, საგამოძიებო კომისიის მექანიზმი.

13 სექტემბერს ცნობილი გახდა, რომ ერთ-ერთი ღია წყაროზე სასულიერო პირებთან დაკავშირებით მასალები აიტვირთა. უცნობია, ვინ გაავრცელა ფაილები და ასევე, არ არის დადასტურებული მათი ავთენტურობა. თუმცა რამდენიმე პოლიტიკოსმა და ჟურნალისტმა, მათ შორის On.ge-ს ყოფილმა რედაქტორმა განაცხადეს, რომ ჩანაწერებში საკუთარი საუბრები ამოიცნეს.

• მედიის ოთხმა წარმომადგენელმა გავრცელებულ ჩანაწერებში საკუთარი საუბარი ამოიცნო
• რაც ვნახე მესენჯერიდან არის ძალიან ბევრი რამე — კვესიტაძე გავრცელებულ ჩანაწერებზე
• ხაზარაძე გავრცელებული ჩანაწერების ნამდვილობას ადასტურებს
• ტაბულას რედაქტორმა გავრცელებულ ფაილებში საკუთარი საუბარი ამოიცნო

ატვირთულია Word-ის ასობით ფაილი და იმ შემთხვევაში, თუ ისინი ავთენტურია, ჩანს, რომ შესაბამისი სამსახურები სწავლობენ სასულიერო პირების საჯარო და პირად კავშირებს, უსმენენ სატელეფონო საუბრებს და აგროვებენ კომპრომატებს პირადი ცხოვრების შესახებაც, მათ შორის, საუბარია ჰომოსექსუალურ კავშირებზე. ფაილებს შორის არის ინფორმაცია რუსული კონტაქტების, ასევე, კონკრეტული პოლიტიკური პარტიების მიმართ დამოკიდებულების შესახებ.

ამავე თემაზე:

• მაღალია ალბათობა, რომ მოსმენები და პირად ცხოვრებაზე ინფორმაციის შეგროვება ხდება — ლომჯარია
• ინსპექტორი აცხადებს, რომ სავარაუდო უკანონო მიყურადების ფაქტებზე საჭიროა დროული გამოძიება
• მეუფე ნიკოლოზი გავრცელებულ ჩანაწერებზე პასუხისმგებლობას სახელმწიფოს აკისრებს