ალბათ, წარმოუდგენელია, რომ იყო დრო, როცა მიქსერი ადამიანთა ყოველდღიურობაში არ არსებობდა — მხოლოდ და მხოლოდ ხელით ან კოვზით თქვეფდნენ ინგრედიენტებს ან ზელდნენ ცომს. მეტიც, სამზარეულოს ამ აუცილებელი ატრიბუტის ისტორია არცთუ ისე ძველია და ის დაახლოებით ერთი საუკუნის გამოგონებაა.

მიქსერის წინამორბედად კვერცხის მბრუნავი სათქვეფი ითვლება. ის 1856 წელს შეიქმნა და ეფექტურად უმკლავდებოდა ისეთ მარტივ დავალებას, როგორიც კვერცხისა და სხვა მარტივი ინგრედიენტების ათქვეფაა. ერთ-ერთი პირველი ელექტრო მიქსერი კი 1908 წელს ამერიკელმა ინჟინერმა ჰერბერტ ჯონსონმა გამოიგონა. როგორც ამბობენ, ინჟინერი ერთმა სცენამ შთააგონა — შემთხვევით დაინახა, როგორ ზელდა მცხობელი ცომის დიდ მასას წვალებით. სწორედ მას შემდეგ დაისახა მიზნად შეექმნა სპეციალური მოწყობილობა, რომელიც ცომის მოზელასა თუ ნებისმიერი ინგრედიენტის ათქვეფას ადამიანის ყოველგვარი ძალისხმევის გარეშე უზრუნველყოფდა. ასე გაჩნდა ძრავიანი სტაციონარული მიქსერი, რომელიც ღილაკზე თითი დაჭერით აკეთებდა იმას, რაც მანამდე ადამიანს დიდ შრომად და დროდ უჯდებოდა.

პირველი ძრავიანი მიქსერები 25 კილოზე მეტს იწონიდა, არც საკმარისად მოქნილი იყო და ძალიან ძვირი ღირდა. მისი უფრო მსუბუქი და იაფფასიანი სახეობები მხოლოდ მოგვიანებით გამოჩნდა ბაზარზე და ამ მოწყობილობების მასობრივი გამოყენებაც მას შემდეგ, 1920-იანი წლებიდან დაიწყო.

თანამედროვე მიქსერები და მიდეას უახლესი ტექნოლოგია

მას შემდეგ, მიქსერებმა უდიდესი ტრანსფორმაცია განიცადა – ისინი გაცილებით მსუბუქი, მოსახერხებელი და მრავალფეროვანი გახდა. სწორედ ამ ფართო ასორტიმენტის გამო, მიქსერის სწორად შერჩევა მარტივი სულაც არ არის. ამიტომ, მსოფლიო ბაზარზე ერთ-ერთ ყველაზე პოპულარულ — მიდეას მიერ წარმოებულ მიქსერსაც გაგაცნობთ, რომელიც მაქსიმალურად გაგიმარტივებთ საჭმლის მომზადების პროცესს.

მიდეას მიქსერი ძლიერი ძრავის დახმარებით გაცილებით ამცირებს ინგრედიენტების ათქვეფის დროსაც და ჩვენს ძალისხმევასაც, არის შედარებით მსუბუქი და ჩუმი. ამასთან ერთად, მას აქვს 5 სიჩქარე, რომელიც შეგვიძლია ვცვალოთ იმის მიხედვით, თუ რა სახის ინგრედიენტების შერევა ან როგორი კონსისტენციის მქონე მასის მიღება გვსურს.

ასე, რომ თუ გსურთ, უბრალოდ მიქსერით კი არა, მისი უახლესი მახასიათებლებითაც ისიამოვნოთ და სამზარეულოში ყოფნა უფრო კომფორტული გახადოთ, არჩევანის შეჩერებას სწორედ მიდეაზე გირჩევთ.