NATO-ს გენერალური მდივანმა იენს სტოლტენბერგმა ბრიუსელში პრემიერმინისტრ ირაკლი ღარიბაშვილთან ერთობლივ კონფერენციაზე განაცხადა, რომ ძალიან მნიშვნელოვანია, სასამართლო სისტემის რეფორმაზე, მედიის თავისუფლებაზე ანგარიშვალდებულების მიმართულებით მუშაობა გაიზარდოს და ამ მიმართულებით პოლიტიკურმა განსხვავებამ და პოლარიზაციამ იკლოს. სტოლტენბერგის განცხადებით, NATO ელის, რომ საქართველო დემოკრატიულ სტანდარტებს მიყვება და ბოლო წლებში განვითარებული მოვლენები კიდევ უფრო დაიხვეწება.

"ჩვენ საქართველოს მჭიდრო პარტნიორები ვართ. საქართველო არის ერთ-ერთი უახლოესი პარტნიორი და რიგაში მოკავშირეებმა მტკიცედ დაადასტურეს, რომ საქართველოს სუვერენიტეტი და ტერიტორიული მთლიანობა ურყევია. ვაგრძელებთ რუსეთის მოწოდებას, რომ დათმოს აფხაზეთისა და სამხრეთ რეგიონი და გაიყვანოს ძალები", — განაცხადა NATO-ს გენერალურმა მდივანმა.

მისივე თქმით, მათ რეგიონში არსებულ სიტუაციაზეც ისაუბრეს და თანხმდებიან, რომ NATO ფხიზლად იქნება და რეგიონში ესკალაციას თავიდან აიცილებს.

"რუსეთს ნებისმიერი აგრესია ძვირად დაუჯდება. საქართველო და უკრაინა ფლობენ უფლებას, რომ თვითონ აირჩიონ მოკავშირეები, რუსეთს არ აქვს უფლება ამ ორი ქვეყნის არჩევანზე რაიმე გავლენა იქონიოს. ევროპაში ჩვენ ვგრძნობთ, რომ ეს ისტორიის ნაწილია. ორივე ქვეყანაში NATO გააგრძელებს ძლიერი პოლიტიკური და პრაქტიკული დახმარების უზრუნველყოფას პარტნიორებისადმი", — აღნიშნა სტოლტენბერგმა.

ამასთან, ამბობს, რომ მზად არიან საზღვაო მიმართულებითა და ინფორმაციის გაზიარების კუთხით საქართველოს თავდაცვისა და უსაფრთხოების შესაძლებლობები განვამტკიცონ.

"ბატონ პრემიერმინისტრთან ერთად ვისაუბრეთ, ასევე, საქართველოს შიდა საკითხებზე, ეროვნული პროგრამის განხორციელებაზე. ძალიან მნიშვნელოვანია, რომ სასამართლო სისტემის რეფორმაზე, მედიის თავისუფლებაზე ანგარიშვალდებულების მიმართულებით გაიზარდოს მუშაობა და ამ მიმართულებით პოლიტიკური განსხვავებამ და პოლარიზაციამ იკლოს", — თქვა სტოლტენბერგმა.