2021 წლის იანვარ-ნოემბრის მონაცემებით საქართველოდან უცხოეთში ექსპორტზე 3,82 მილიონი დოლარის საქონელი გავიდა — ზრდა 26,7%-ია. საექსპორტო ქვეყნებს შორის კვლავ ჩინეთი და რუსეთი ლიდერობენ. მიმდინარე წლის თერთმეტ თვეში ამ ბაზრებზე მთლიანი ექსპორტის 29% გავიდა.

მიმდინარე წლის იანვარ-ნოემბერში საქართველოდან ჩინეთში 569 მილიონი დოლარის საქონელი გავიდა. ბოლო ერთ წელში ჩინეთში ექსპორტირებული საქონლის მოცულობა 27%-ით არის გაზრდილი.

მთავარი საექსპორტო სასაქონლო ჯგუფების ჩამონათვალი, რომელიც ჩინეთში 2021 წლის თერთმეტ თვეში გავიდა:

• სპილენძის მადნები და კონცენტრატები — $462 მილინი;
• ძვირფასი ლითონების მადნები და კონცენტრატები — $39,6 მილინი;
• ხელსაწყოები და მოწყობილობები მედიცინაში ან ვეტერინარიაში გამოსაყენებელი — $19,3 მილინი;
• ყურძნის ნატურალური ღვინოები — $14,7 მილინი;
• ალუმინი დაუმუშავებელი — $8,6 მილინი;
• დანარჩენი საქონელი–სულ — $24,5 მილინი;

აქვე უნდა ითქვას, რომ მიმდინარე წელს ჩინეთიდან 790 მილიონი დოლარის იმპორტი განხორციელდა (ზრდა — 22,2%). ჩინეთიდან მთავარი საიმპორტო საქონელი მანქანები და გადაადგილებასთან დაკავშირებული მექანიზმებია.

ჩინეთის შემდეგ საქართველოსთვის მთავარი საექსპორტო ბაზარი რუსეთია — მიმდინარე წლის იანვარ-ნოემბერში ამ ქვეყანაში 549 მილიონი დოლარის საქონელი გავყიდეთ (ზრდა — 38%).

მთავარი საექსპორტო სასაქონლო ჯგუფების ჩამონათვალი, რომელიც რუსეთში 2021 წლის თერთმეტ თვეში გავიდა:

• ფეროშენადნობები — $157 მილინი;
• ყურძნის ნატურალური ღვინოები — $119 მილინი;
• მინერალური და მტკნარი წყლები — $55 მილინი;
• სპირტიანი სასმელები — $37 მილინი;
• ახალი გარგარი, ალუბალი და ბალი, ატამი, ქლიავი და ღოღნოშო — $26,7 მილინი;
• დანარჩენი საქონელი – სულ — $153,9 მილინი;

ამასთან, რუსეთიდან იმპორტის სახით 926 მილიონი დოლარის საქონელი შემოვიდა (ზრდა — 17,2%). რუსეთისგან მთავარი საიმპორტო საქონელი ნავთობი და ნავთობპროდუქტებია.

საქართველოსთვის მთავარი სავაჭრო პარტნიორებზე საუბრისას უნდა აღინიშნოს თურქეთიც. ეს ქვეყანა საქართველოს საექსპორტო ბაზრებს შორის მე-4 ადგილზეა, თუმცა პირველია იმპორტიორებს შორის — მიმდინარე წლის თერთმეტ თვეში თურქეთიდან საქართველოში $1,6 მილირდის იმპორტი განხორციელდა. ამავე პერიოდში თურქეთიდან მთავარი საიმპორტო საქონელი ავტომობილები ($63,7 მილიონი) იყო.