ჩვენ გადასახადებს ვიხდით, ხელისუფლება კი ამ ფულს სხვადასხვა მიმართულებით ხარჯავს. ეს მიმართულებები ჩვენი ცხოვრების პირობებზე ახდენს ზეგავლენას — ჯანდაცვით დაწყებული, ეროვნული თავდაცვით დამთავრებული. ზოგი ხელისუფლება ამას კარგად აკეთებს, ზოგიც ცუდად.

რაც მეტი გვეცოდინება საჯარო უწყებების მუშაობაზე, მით უკეთ შევძლებთ, შევაფასოთ მთავრობის საქმიანობა, ვიყოთ უფრო აქტიური მოქალაქეები და ხმამაღლა ვისაუბროთ იმ მიმდინარე პროცესებზე, რომლებიც გაუმჯობესებას საჭიროებს. ყოველივე ამისთვის კი მნიშვნელოვანია, ხელი მიგვიწვდებოდეს ინფორმაციაზე.

იმ ბარიერების დასაწევად, რომელთაც მოქალაქეები საჯარო ინფორმაციის გამოთხოვისას აწყდებიან და რისკების შესამცირებლდ, რომ მთავრობის რომელიმე შტო ჟურნალისტების, აქტივისტებისა თუ რიგითი მოქალაქეებისთვის საჭირო საჯარო ინფორმაციას დამალავს, ფორსეტის გუნდმა, ღია მმართველობის პარტნიორობის ინოვაციების გრანტის მხარდაჭერით, პლატფორმა Askgov.ge შექმნა. პლატფორმა ნებისმიერ ადამიანს საშუალებას აძლევს, გამოითხოვოს საჯარო ინფორმაცია 300-მდე საჯარო უწყებიდან და/ან გაეცნოს სხვების მიერ უკვე გამოთხოვილ ინფორმაციას.

ამ ეტაპზე საიტი ბეტა ვერსიაში მუშაობს. ფორსეტის უნდი მოხარული იქნება, თუ ხარვეზების აღმოჩენის შემთხვევაში დაუკავშირდებით.

რას მოიცავს Askgov.ge-ს მონაცემთა ვიზუალიზაციის კონკურსი და როგორ უნდა მიიღოთ მონაწილეობა?

კონკურსის პრინციპი მარტივია — თქვენი დავალებაა, Askgov.ge-ის მონაცემებზე დაყრდნობით, მონაცემთა ვიზუალიზაცია შექმნათ. მონაცემთა ვიზუალიზაცია მოიაზრებს:

• ინტერაქტიულ ვიზუალიზაციას (იტერაქციული დეშბორდი, რუკა, ა.შ);
• სტატიკურ ვიზუალიზაციას (ინფოგრაფიკას);
• ანიმაციურ გიფს და სხვას.

გამოიყენოთ, მაგალითად Piktochart, Canva, Adobe Illustrator, Tableau, Adobe Premiere და ა.შ.

askgov.ge-ზე მონაცემების ნაწილი უკვე განთავსებულია, ნაწილიც პერიოდულად დაემატება. შეგიძლიათ, გაეცნოთ მონაცემებს და საინტერესო თემის აღმოჩენის შემთხვევაში, უკვე არსებული მონაცემები გამოიყენოთ. გარდა ფორსეტის მიერ განთავსებული მონაცემებისა, საშუალება გაქვთ, თქვენვე გამოითხოვოთ მონაცემები ამავე პორტალიდან და დაელოდოთ პასუხს.

მონაცემების გამოთხოვა ძალიან მარტივია. დამატებით ინსტრუქციას გამოთხოვის შესახებ ამ ბმულზე იპოვით.

გაითვალისწინეთ, რომ ყველა საჯარო უწყება პასუხს დროულად არ აბრუნებს, ასე რომ, როცა მონაცემებს გამოითხოვთ, გირჩევთ, რამდენიმე წერილი გაუგზავნოთ რამდენიმე საჯარო უწყებას, რათა გაზარდოთ პასუხის დაბრუნების შანსები.

ასევე გაითვალისწინეთ, რომ ამ ტიპის კონკურსებს ფორსეტი მთელი წლის განმავლობაში გამოაცხადებს. ახლა გამოთხოვილი ინფორმაცია ამ კონკრეტულ კონკურსში რომ არც გამოიყენოთ, შეიძლება, მომავალ კონკურსებში გამოგადგეთ.

მონაწილეობა შეგიძლიათ მიიღოთ ინდივიდუალურად ან მეწყვილესთან ერთად.

რამდენია საპრიზო ფონდი?

ჯამური საპრიზო ფონდი 6 000 ლარს შეადგენს. რამდენი გამარჯვებული გამოვლინდება, დამოკიდებულია შემოსული აპლიკაციების საერთო რაოდენობაზე და დასრულებული პროექტების ხარისხზე.

რა უნდა იცოდეთ დამატებით და რა ვადაში უნდა მოამზადოთ მონაცემთა ვიზუალიზაცია?

11 იანვრი — კონკურსის გამოცხადება: თქვენ შეგიძლიათ, გაეცნოთ askgov.ge-ზე არსებულ მონაცემებს და დაიწყოთ სასურველი თემის არჩევა. გარდა ფორსეტის მიერ განთავსებული მონაცემებისა, საშუალება გაქვთ, თქვენვე გამოითხოვოთ მონაცემები ამავე პორტალიდან და დაელოდოთ პასუხს. თუმცა, გაითვალისწინეთ, პასუხის მიღებას 10 სამუშაო დღე სჭირდება.

18 იანვარი, 18:00 საათი — ინფო სესია: ამ ონლაინ შეხვედრაზე კიდევ ერთხელ აგიხსნიან კონკურსის წესებს და თქვენს კითხვებს უპასუხებენ. მოინიშნეთ თარიღი და აუცილებლად შეუერთდით!

24–28 იანვარი — მენტორობის სესიები: ამ კვირის განმავლობაში საშუალება გექნებათ, თქვენი პროგრესი და კითხები გაუზიაროთ მონაცემთა ვიზუალიზაციის ექსპერტებს და მიიღოთ რჩევები მონაცემთა ანალიზის, ამბის თხრობისა და დიზაინის მიმართულებით.

31 იანვარი — პრეზენტაციები და გამარჯვებულ(ებ)ის გამოვლენა: დღის პირველ ნახევარში ვიზუალიზაციებს გაგზავნით, საღამოს კი, საშუალება გექნებათ, საკუთარი ნამუშევარი თავად წარუდგინოთ ჟიურის წევრებს და უპასუხოთ მათ კითხვებს. გამარჯვებულები ამავე დღეს გამოვლინდება.

კონკურსის კრიტერიუმები

• სიზუსტე: რამდენად ზუსტია მონაცემების ანალიზი? (10 ქულა);
• რელევანტურობა: რამდენად აქტუალურია მონაცემთა ვიზუალიზაციის თემა? (10 ქულა);
• უნიკალურობა/სიახლე: რამდენად ახლებური გზები იპოვა მონაწილემ საკუთარი ამბის გადმოსაცემად? არის ეს ამბავი არაერთხელ გაშუქებული თუ მონაწილემ მოახერხა განსხვავებულად შეეხედა ამბისთვის? (10 ქულა);
• დიზაინი: რამდენად გამართულია დიზაინი და რამდენად აკმაყოფილებს მონაცემთა ვიზუალიზაციის პრინციპებს? (10 ქულა);
• პროგრესი: რამდენად დასრულებულია პროდუქტი? (10 ქულა);
• პრეზენტაცია: რამდენად კარგად წარადგინა მონაწილემ საკუთარი იდეა/პროექტი ჟიურის წინაშე? (10 ქულა);
• ბონუს ქულა — მონაცემების მრავალფეროვნება: რამნდენად ბევრი მონაცემი გამოითხოვა მოაწილემ askgov.ge-ს პორტალიდან? (5 ქულა).

ბონუს ქულები დამოკიდებულია მონაწილის მიერ პორტალიდან გამოთხოვილი მონაცემების რაოდენობაზე. იმ შემთხვევაში, თუ საჯარო უწყებები პასუხს დააგვიანებენ და ამ კონკურსზე ვერ შეძლებთ აღნიშნული მონაცემების გამოყენებას, შეგიძლიათ, მონაცემები მომავალ კონკურსებში გამოიყენოთ.

დავინტერესდი… ახლა როგორ მოვიქცე?

ამ ეტაპზე საჭიროა შენი ინტერესი ფორმის შევსებით დააფიქსირო და შენ შესახებ ინფორმაცია ფორსეტს გაუზიარო. ეს მათ დაეხმარება, პერიოდულად უფრო მეტი ინფორმაცია მოგაწოდოთ კონკურსის შესახებ: ინფო სესიაზე, მენტორობის სესიებზე და ა. შ.

დამატებითი კითხვების შემთხვევაში დაუკავშირდით თეონა თომაშვილის შემდეგ ელექტრონულ ფოსტაზე: teona@forset.ge