დეგნანი: ასეთი ქმედება აჩენს კითხვებს, რატომ ხდება თავდასხმა ორგანიზაციებზე, ახალგაზრდებზე

11 May. 2023, 16:16

მინდა გავაკეთო განცხადება იმ შემაშფოთებელ ტყუილებთან დაკავშირებით, რაც ვრცელდება IRI-სთან დაკავშირებით, მმართველი პარტიისა და მათთან დაკავშირებული მედიარხების საშუალებით. IRI არის ორგანიზაცია, რომელიც მხარს უჭერს საქართველოში განვითარებას, მრავალპარტიულ დემოკრატიას და ამას აკეთებს უკვე 20 წლის განმავლობაში. ასევე, უნდა აღვნიშნოთ, რომ ეს მხარდაჭერა მიმართულია მმართველი პარტიის მიმართ. მმართველი პარტიის ძალიან ბევრი წარმომადგენელი არის ამ IRI-ს პროგრამებისა და კურსების კურსდამთავრებული. ასეთი ქმედება ნამდვილად აჩენს კითხვებს, რატომ ხდება თავდასხმა, ამ შემთხვევაში, ამ ორგანიზაციებზე, მათ საქმიანობაზე, იმ ახალგაზრდებზე, ვინც მონაწილეობენ ამ პროცესებში და დამოუკიდებელ კვლევებსა და გამოკითხვებზე, რომელიც არის ძალიან მნიშვნელოვანი ინსტრუმენტი პასუხისმგებლობიანი პოლიტიკოსებისთვის, რომლებიც იღებენ ინფორმაციას ამ კვლევებისგან.

ამ ორგანიზაციებს, IRI-ს და და NDI-ს მხარს უჭერს ამერიკის კონგრესი და გააგრძელებს ამ მხარდაჭერას. ის ახალგაზრდები, ვინც მონაწილეობს პროცესებში, არიან ისინი, ვისაც სურთ, რომ წვლილი შეიტანონ საკუთარი ქვეყნის განვითრებაში, ჩაერთონ პოლიტიკურ პროცესებში, მშვიდონიანად და კონსტრუქციულად და შესაბამისად, დადებითი წვლილი შეიტანონ ქვეყნის დემოკრატიულ განვითარებასა და ქვეყნის უკეთეს მომავალში. ასე რომ, აშშ მხარს უჭერს IRI-ს და NDI-ს. კონგრესი მხარს უჭერს და გააგრძელებს ამ მხარდაჭერას.

ბოლო ამბები:

კელი დეგნანი დეგნანი: ასეთი ქმედება აჩენს კითხვებს, რატომ ხდება თავდასხმა ორგანიზაციებზე, ახალგაზრდებზე

კომენტარები

კვირის ტოპ-5

გირჩევთ

ახლა კითხულობენ

არასქროლო — ახალი სერიალი ჩემი ცოლის დაქალების შემქმნელებისგან